تامر عاشور يتضامن مع تامر حسني بعد تسريب "عمري ابتدا"
تضامن المطرب تامر عاشور مع الفنان تامر حسني بعدما تم تسريب ألبومه الأخير الذي يحمل عنوان "عمري ابتدا" والذي كان من المقرر طرحه بالأسواق في عيد الفطر القادم.
وقال عاشور من خلال صفحته الرسمية على موقع التواصل الاجتماعي "فيس بوك": "في فرحة كبيرة قوي بيستناها الفنان كل سنتين مرة وهي فرحة "إصدار ألبومه" عارفين يعني إيه إصدار ألبوم بالنسبة لفنان؟ يعني بينام ويصحى يحلم بيه مبهزرش والله العظيم".
وأضاف التعب اللي قبل الألبوم بيروح لما يتم إصداره بتاريخ ووقت وشكل دعاية معينين وانتظار أراء الناس اللي بتحبه وتباركله وتهنيه كل ده لما مبيحصلش بيفضل الفنان تعبان لحد الألبوم اللي بعده بجد من جواه.
وتابع ده مالوش أي علاقة بنجاح الألبوم تامر حسني ألبومه هينجح كالعادة إن شاء الله بس كلمة من أخ ليك أعداء النجاح اللي مالهمش علاقة بيك متشغلش بالك بيهم. لكن أعداء النجاح اللي بتشتغل معاهم "خطر" بيمثلوا 24 ساعة فى اليوم أو بيتاجروا فى المضروب بنسبة كبيرة وكبيرة جدا اوعى تصدق اللي أنا سمعته قبل كده ونجاحك هيقتلهم وهيمحيهم أكتر ما هم اتمحوا وبرضو متركزش معاهم.. افرح بألبومك أنت عامل أحلى شغل مع كل الناس.
وفي نفس السياق فقد طرحت شركة "روتانا" للصوتيات والمرئيات، مؤخرا البوستر الدعائي الأول للألبوم الجديد، والذي يضم 14 أغنية، تعاون خلاله مع عدد كبير من الشعراء والملحنين من بينهم أيمن بهجت قمر، أمير طعيمة، محمد مالك وأحمد المالكي والملحنين شريف بدر، وليد سعد، عبد الرحمن شوقي وتامر علي، فيما اعتمد على عدد من الموزعين منهم تميم، توما، طارق مدكور.
