عاجل
الخميس 28 مارس 2024
رئيس مجلس الادارة
رجب رزق
رئيس التحرير
سامي خليفة
الرئيسية القائمة البحث

"قورة" يرد على مهاجمي اروي جودة وصبا مبارك

اروي جودة - صبا مبارك
اروي جودة - صبا مبارك

رفض عمرو قورة، عضو اللجنة الاستشارية بمهرجان القاهرة السينمائي، الهجوم الغير مبرر على اختيار الفناناتين أروى جوده وصبا مبارك لعضوبة لجنة التحكيم بالمهرجان.

وكتب عمرو على "فيس بوك": "من إمبارح وفيه حملة ممنهجة عليا شخصيًا بصفتي عضو في لجنة مهرجان القاهرة السينمائي، بسبب اختيار النجمتان أروى جودة وصبا مبارك في لجنة تحكيم المهرجان ليه الهجوم، مفيش سبب معين غير إنهم مش من الأسماء المعتادة، وشباب صغيرين بلح يعني، لكن طبعا الهجوم وراه شلة المنتفعين السنوية بتاعة المهرجان، اللي بيعملوا سبوبات مستترة، ووجودي حايقطع عنهم مصدر الرزق المعتاد، فيللا نهجم على أي حاجة، بس ده بعدكم، أنا قاعد على نفسكم، وعايز أقول اربع نقط:

١- القاهرة شرف كبير لأي نجم سينمائي ومن تقاليده عدم تكرار أسماء أعضاء لجنة التحكيم، وبالتالي كل النجوم اللي تم إقتراح أسمائهم رفضوا لأنهم حكموا من قبل.

٢- من لا يعرف تاريخ صبا مبارك وأروى جودة الفني، لا يفهم أصلا في المهنة، فبيكتب ليه وبيهاجم بأمارة إيه.

٣- أنا باشتغل متطوع في المهرجان، أيوة.. يعني ببلاش، بس برضه حاقطع عنكم السبوبة.

٤- أنا بحاول إساعد بأني أشجع أغلبية النجوم إنهم يحضروا لأن ده واجهة مصر، فعايزين تطفشوهم ليه؟ مين كان حايحكم وياخد بدلات وراحت عليه الفرصة؟

وتابع: "بصراحة انتم لا تستحقوا نجمتان بمستوى أروى وصبا وبناء عليه قررت أن أعتذر عن ضم صبا وأروى بصفتهم اثنين من نجمات الوكالة من لجنة التحكيم، وإبقوا دوروا على أسماء لامعة ترضى، لكن من الواضح إنكم حاتفضلوا أقل من الحدث ومصالحكم الشخصية أهم من مصلحة المهرجان، والموضوع كدة إتقفل لأن كرامة نجومي أهم من ١٠٠ مهرجان، أنا سحبتهم خلاص، وإبقوا رشحوا اللي حايقسم معاكم البدلات".