زوجة حافظ أبو سعدة: "أنا اللي طلبته للجواز"

روت المحامية نهاد أبوالقمصان، زوجة الراحل حافظ أبو سعدة كواليس زواجها منه مما جعل اسم يتصدر مؤشرات البحث على موقع "جوجل".

وكشفت "أبوالقمصان"، أنها هي من تقدمت لخطبة حافظ أبوسعدة وقالت إن زوجها كان زعيم سياسي كبير خلال فترة دراسته في الجامعة وكان رئيس جماعة الدراسات العربية التي تعد من الجماعات القومية الناصرية، وقُبض عليه وتم سجنه.

أضافت: "هو كان لمح لحد إنه معجب بيا، وقعدت استنى اللي بيلمح ده، واستفز فيا فكرة المساواة، مبدأيًا أنت متتكلمش عليا انت تيجي تتكلم معايا مفيش حد واصي عليا يعني، ثانيًا السيدة خديجة هي اللي خطبت الرسول، ده حقنا على فكرة"

أوضحت: "يعني حتى في ألفاظ الجواز الإيجاب والقبول نفسه يدي للست الحق إنها لما تشوف وعاجبها تقوله أنت عاجبني وأنا عايزاك على سنة الله ورسوله، فا روحت وقولتله أنت اتكلمت عليا من ورا ضهري ماجيتش قولتلي ليه".

حينها أجاب حافظ أبوسعدة عن سؤال "أبوالقمصان" قائلًا: "أصل أنا عندي قضية واحتمال أخد إعدام، يبدو كان عايز يزوغ بموضوع الإعدام ده ولا إيه فا قولتله أنا مش فارق معايا لو خدت إعدام الله غالب بقى".