سر تدوينة مثيرة حول شيرين رضا.. مصطفى درويش يوضح
كشف الفنان المصري مصطفى درويش، الإثنين، حقيقة سخريته من مواطنته الفنانة شيرين رضا.
وضجّت مواقع التواصل الاجتماعي في مصر بمنشور للفنان مصطفى درويش هاجم فيه الفنانة شيرين رضا، بعد أن قالت في تصريحات تلفزيونية إنّها لا تعرفه.
وكتب مصطفى درويش تدوينة عبر صفحته الرسمية على موقع التواصل الاجتماعي "فيس بوك" قال فيها: "اللي بيحب يفهم بيفهم واللي بيحب يظيط بيظيط وخلاص أنا لا بسخر ولا أقدر أسخر من سن حد، أنا مش طفل، أنا كبير".
وأضاف: "في حاجة في الدنيا اسمها بتغلط في شخص بتقوله أنت كبير؟ مسمعتهاش قبل كده الصراحة، أنا بحترم كل الزملاء قدام أو جداد كلنا زملاء في شغل واحد، وأكيد بحترم الكبير قبل الصغير، اللي بيحترم نفسه فبيحترمه الناس، وأنا عمري ما غلط في زميل أو زميلة، ولا عمري أغلط".
وأكمل: "أنا ممكن أزعل من موقف، بس أغلط فيه مش تربيتي، أغلط في حد في التليفون أو على فيس بوك؟ أروح أغلط في وشه واللي معاشرني عارفين عني ده، بس كده.. وده للتوضيح نقفل القصة الغريبة دي".
وكان الفنان مصطفى درويش قد علّق على كلمات قالتها الفنانة شيرين رضا ردا على انسحابه من فيلم "الملحد".
