محمد نجاتي: دور مصطفى شعبان في عائلة الحج متولي كان بتاعي.. ومحمد رمضان الأجدر بتجسيد شخصة أحمد زكي
حل الفنان محمد نجاتي ضيفا على الإعلامية ياسمين عز، في برنامج "كلام الناس في رمضان"، الذي يذاع عبر شاشة قناة "إم بى سى مصر".
وأجاب الفنان محمد نجاتي، عن سؤال الإعلامية ياسمين عز حول أفضل شخص يستطيع تجسيد السيرة الذاتية للراحل أحمد زكي.
وقال محمد نجاتي: "احمد زكي الأب الروحي ليا بس مش لازم اجسد شخصيته واللي اعرفه أنه مكنش عايز يتجسد قصة حياته واتمنى مشاهدة عمل عن أحمد زكي"، وتابع "بصراحة شديدة أفضل من يقدم شخصية أحمد زكي هو محمد رمضان لانه بيعرف يجيبه كويس".
وتحدث الفنان محمد نجاتي عن أزمته مع منة عرفة ومحمود المهدي وعن رأيه في رد فعل ويل سميث خلال حواره مع الإعلامية ياسمين عز، قال محمد نجاتي "احنا بقينا في زمن التريند تشتغلي وتبذلي مجهود ويعدي لكن بإشاعة العالم كله يتكلم واجرك يزيد"
وتابع "أنا مليش دخل في الحكاية اللي بيسأل بجاوب وحتى التريند لو خدمني مش هكون مبسوط اللي بسعد الفنان هو عمله"
وعن ازمته مع منة عرفة قال "كلميني في بوسة أو حضن مطار أو مشهد رومانسي ومع أن دة بردة عمرنا ما سمعنا عنه احنا ما اعتدناش على كدة والصغير بيتكلم في الفن وكأنه ناقد والسينما النظيفة هي تقديم فن راقي"
وأضاف "مش عارف مين المسؤول عن إسكات الناس دي ولما اشتكيت لقيت جوز منة عرفة مش عضو في النقابة ورفعت عليه قضية"
وعن رد فعل اسرته قال "موضوع زوجتي لما لقت مشكلة على مشهد وهي مش عارفة فسألت عن المشهد اللي ينتج عنه طلاق فأكيد دة حاجة كبيرة ولما شرحتلها وكلمت المخرج وسمعت المكالمة فهمت"
وعن انفصال منة عرفة وزوجها قال "أنا مش حاسس بالذنب لاني معملتش أي حاجة هي طلبت حاجة وانا نفذتها ودة مسلسل البحث عن التريند وفي الحلقة الأخيرة حصل تطاول على الهام شاهين وأشرف زكي وقلت مش كل حد عايز يشتهر يشتم نجم"
أجاب نجاتي عن سؤال ياسمين عز حول تقبل تصريحات يوسف الشريف بعدم التلامس وعدم تقبل تصريحات منة عرفة "كل حد من حقه يعمل اللي هو عايزه لكن يكون في اتفاق من الأول علشان التصوير ميتأجلش ومن حق الممثل الكبير أو الصغير يملي شروطه والمخرج لو متقبلش ممكن يغير الممثل"
وعن تصريحات محمد نجاتي حول ويل سميث قال "التنمر جريمة وفي حدث عالمي العالم بيتابعه ومش مقبول خصوصا لو زوجتي ولو كنت مكانه كنت هضربه بالجزمة"
وكشف الفنان محمد نجاتي، سبب اعتذاره عن مسلسل "عائلة الحج متولي" قبل مصطفى شعبان: "مصطفى شعبان قدمه بطريقة جميلة وانا كنت تعاقدت على دور محمود المراكيبي في حديث الصباح والمساء ودة كان دور مهم"
تابع نجاتي "الدور كان فيه مراحل عمرية مختلفة وكان مطلوب مني زيادة في الوزن وانا مش بقدر اشتغل عملين مع بعض وهظلمهم"
وأضاف "المسلسل عايش لغاية دلوقتي ومازال يعرض ويتابعه الناس واختياري كان صائب ومندمتش على الحج متولي"
وعن فيلم "قشطة يابا" قال "مكنتش احب اقدمه ووقتها مكنش معايا فلوس ولو مش معايا فلوس هقدم أعمال تجارية واللي زعلان يجي يصرف على بيتي"
