الدولار.. بجنيه
إزاي الكلام ده.. ده كمان في السوق السودا.. أصل البنك بيشتريه ب90 قرشًا، وبيبيعه بـ95 قرشًا؛ عشان كده في السوق السودا بجنيه، دي كده ماتبقاش سودا تبقا بيضا وزي الفل.. الله الخير قادم.
بس ايه اللي حصل.
أصل المصريين اشتغلوا كأنهم رجل واحد.. طول عمرهم واحد من زمان.
بس إزاي الدولار بقا بجنيه.. شوف ياسيدي.
في التعليم.. جابو ناس بتفهم وبتحب التعليم غيروا المناهج وصلحوا منظومة التعليم وقضوا عل مشاكل التسرب والدروس الخصوصية.. وبعد ماكانوا في المركز قبل الأخير.. داخلين منافسة مع العشرة الأوائل في العالم.
الله الخير قادم.
حتى في التعليم الفني، ولادهم بيتعلمو صح وبقوة فنيين ومهرة، وبينتجوا كل حاجة، وبطلو يستوردوا فوانيس رمضان ولعب أطفال أاحذية وملابس جاهزة، حتى المدارس الزراعية بقت بتزرع وبتربي ماشية ودواجن ومزارع سمكية الكل بقا بيشتغل.
ومصانعهم كلها بتشغيل والصحراء كلها مزارع وعملوا اكتفاء ذاتي.. وبيجهزوا نفسهم للتصدير.
الله الخير قادم، وفي السياحة ما أنت عارف عندهم تلثي آثار العالم، طول السنة مهرجانات رياضية وفنية وتسوقيه وعرفوا يسوقوها كويس قوي لغاية ما نسبة الأشغال عندهم بقت 100% وبقت بدخل 60 مليار دولار.
الله الخير قادم.
وقناة السويس والتنمية المحورية اللي فيها شغل كبير قوي.
ده كمان خلو الرسوم بالجنيه المصرى، ده بقا شاحح قوي.. وعليه طلب كبير.
الله الخير قادم.
قوم.. قوم.. قوم ياأبو عمرو أنت طول الليل بتتكلم، دولار.. مسمار.. منشار.. أنت كنت بتحلم، آه كنت بحلم خير.. خير إن شاء الله خير.
الخير قادم والرجال المخلصون قادمون.
