بالفيديو.. موسى لحمدين صباحي: "السيسي مكمل.. اتهد بقى"
شن الإعلامي محمد موسى، هجومًا عنيفًا على المرشح الرئاسي السابق حمدين صباحي والنشطاء خالد علي وخالد داود، على خلفية محاولة إثارة قضايا سياسية للتأثير على النظام الحاكم.
وقال موسى، خلال تقديمه برنامج "خط أحمر" المذاع عبر فضائية "الحدث اليوم": "حمدين صباحي شكله مش لاقي كوموا فلاش ولاقى الدنيا هديت في أزمة الصحفيين راح يعتصم في مقر حزب الكرامة، اعتراضًا على اتفاقية ترسيم الحدود بين مصر والسعودية ياجماعة كفاية بقى البلد بتئن منكم، والله والناس مش طيقنكم في الشارع".
وتابع: "ريحوا نفسكم السيسي مش هيقع ومفيش انتخابات رئاسية دلوقتي وهيكمل مدته لأنه وراه الشعب مش ظهير حزبي أو سياسي البلد من هتقف والسيسي مش هيعطل والغرب كله بقي يضرب تعظيم سلام للسيسي بعدما خلع عباءة التبعية للخارج".
وأردف موسى: "الناشط خالد داود بيقول "كنا نتمنى أن يناصر النواب الصحفيين في أزمتهم" أنا بقوله يا بنى اتهد بقى بطل تجارة شوف الناس بتقول عليك إيه على "فيس بوك" الناس زهقت والله كلام مخجل لو أي حد عنده إحساس سمعه مش هيطلع من بيتهم، والله العظيم أزمة نقابة الصحافيين مع الداخلية ظهور الناس اللى زيك فيها هو اللى أزمها انت وخالد على ونشطأ حموم الإنسان أضر بقضية الصحفيين بعدما ركبوا الحدث".
