ميمي جمال: "الاختيار" و"المداح" عجبوني في رمضان.. وهذا سر اختفائي عن الساحة
في الساعات الأخيرة، حلت الفنانة ميمي جمال ضيفة على إسعاد يونس في برنامج صاحبة السعادة المذاع على قناة DMC برفقة ابنتيها وأحفادها، للحديث عن مشوارها الفني وتفاصيل حياتها الخاصة.
وفيما يلي يقدم "نيوز 24" أبرز التصريحات التي أدلت بها الفنانة ميمي جمال:
- جربت إن أنا اشتغل وبعتوا لي على مسلسل وقريته وقعدت مع المخرج ومش هقول هو مين واتكلمنا على الدور ولما اتكلمنا عن ظروف الحياة وكان المنتج اشتغلت معاه في مسلسلين من 6 سنين وأجري في المسلسلين كان أعلى من الأجر اللي كان عايز يديهولي دلوقتي فقولت له لازم يبقى فيه سواق وعربية وأنا هجيب كوافير ومايكير ولقيت إن التعامل مش هو اللي واخدة عليه.
- احنا اتدلعنا والمنتجين دلعونا والمخرجين دلعونا وعايزة إيه يا ست الكل وتحت أمرك وتدخلي البلتوه تلاقي أوضتك نضيفة واللبيسة بتاعتك موجودة يبقى ليكي نفس تشتغلي ولما تحسي إنك مضغوطة من ساعة التوقيع هتشتغلي ازاي ومقدرتش واعتذرت.
- عايزة أرجع، وأنا أحب أدوار الأمهات والخالة والعمة، وأنا عملت كل الأدوار ولو لقيت الإنتاج مريحني مش بس الفلوس لكن طريقة التعامل.
- أعجبني محمد إمام في النمر وعجبني حمادة هلال في المداح الدور كان لايق عليه وحلو اوي وياسمين عبدالعزيز في اللي مالوش كبير قصته كانت حلو اوي والاختيار ده نمبر وان رمضان وانا مش بعتبره عمل فني ده تاريخ انا لما بتفرج على المسلسل وحد بيموت بحزن وبقشعر جدًا.
- الفنان الراحل حسن مصطفى كان يستمع إلى الراديو لتلاوة سورة مريم، بعدها فتح المصحف "عشوائيا" فظهرت سورة مريم، بعدها قرر تسمية حفيدته بهذا الاسم.
- فرحانة ببناتي وأشعر أن البذرة طرحت أزهارًا، ونورا كانت تهتم بالمذاكرة فقط في فترة الطفولة، لكن نجلاء كانت شقية وهيا صغيرة، محدش فينا كان بيضرب خالص.
- والدتي هي من كانت تقوم بضرب بناتي في مرحلة الطفولة، وأنا مكنتش بضرب، ووالدتي كانت تعتقد أن ما تفعله هو الطريقة الأمثل لتربية الأطفال.. وكانت تساندي كثيرًا في تربية أبنائي أثناء العمل وتصوير الأفلام.
