في حوار لبرنامج الحكاية.. وفاء عامر: أنا أهلاوية.. وعمري ما هطلب من جوزي الطلاق
أجرت الفنانة وفاء عامر حوارا مع الإعلامي عمرو أديب في برنامج "الحكاية" جعلها تتصدر مؤشرات البحث على "جوجل".
وفيما يلي يقدم "نيوز 24" أبرز التصريحات التي أدلت بها وفاء عامر خلال الحوار:
- عمرى ما هطلب الطلاق من جوزي حتى لو خانني، ولو خاننى هبقى أنا السبب.
- ليه الست تاخد موبايل جوزها وتفتش فيه؟ دا الدين قال يا أيها الذين آمنوا لا تسألوا عن أشياء إن تبد لكم تسؤكم.
- أنا جوزى لو ماكلش من إيدي ما ياكلش خالص.. ممنوع الشغالين في البيت يعملوا أكل.
-فيه ناس بتبقى صف أول بس بدون موهبة، لكن بتبقى الكاميرا حباهم والناس عايزه تشوفهم ولازم موهبتهم تتقل شوية، ولكن الجمهور لا يشترى ولا بيضحك عليه، والممثل لازم يحترم كل الأدوار لأن مكتوب في بطاقته ممثل، والعلاقات في الفن مش كل حاجه.
- كل ما أشتغل مع حد بترحم على محمود عبدالعزيز، الفنان محمود عبدالعزيز شخص متواضع جدا.
- عادل إمام قيمة وقامة وننتظره في عمل جديد ويكون عظيم كالعادة، ومفيش خليفة لعادل إمام لأنه شخصية لن تتكرر، وهو منظومة غير مسبوقة في بني آدم وقدر يحقق المعادلة الصحبة في الكوميديا والتراجيديا.
- أنا أهلاوية وجوزي زمالكاوي وبحب قفشه جدا في الأهلى، زعلت من استبعاده هو ومحمد شريف من المنتخب.
- أنا أحسن واحدة تطبخ الكبس أعمل كبسة سعودي أحسن حد في الدنيا وأنا صغيرة كنت بدخل المطبخ كتير.
