ads
ads
ads
رئيس مجلس الادارة رجــب ر ز ق
رئيس التحرير سامي خليفة
ads

حوار صاحبة السعادة.. إيمان الحصري: حدث لي تسمم في الدم بسبب خطأ طبي.. وعملت 7 عمليات في 21 يوم

الثلاثاء 07-12 - 11:31 ص
نيوز 24


أجرى برنامج صاحبة السعادة حوارا مع الإعلامية إيمان الحصري كشفت فيه عن عدد من الأسرار بشأن أزمتها الصحية التي مرت بها خلال الأشهر الماضية.

وفيما يلي يقدم "نيوز 24" أبرز التصريحات التي أدلت بها إيمان الحصري في حوار برنامج صاحبة السعادة:

- أصعب يوم فاكرة تفاصيله لحد دلوقتي.. يوم نقلي من عناية لعناية، ودا صعب جدا إنك تنقلي حد من عناية لعناية، وكان دا من أصعب التجارب إلى مريت بيها.


- طول الوقت كنت بسمع عن ناس بتتألم من المرض لكن دلوقتي أنا عرفت.. بقيت لما حد دلوقتي بيتكلم عن المرض، خلاص أنا فاهمة نفسياً وجسدياً الناس دي فيها إيه وعايشة إيه.

- كان شكلي على السرير في العناية يقول إني مش موجودة، ولكن أنا كنت بسمع كل حاجة وقول إنه صعب، وشكلى من كتر التعب جثة هامدة.

- الدكتور خرج قال لاخواتي أنا خلصت كل حاجة معاها ادعولها، فدي كلمة قاسية جداً، قالهم إحنا خلصنا الطب معاها ادعولها، وهو الطبيب يقصد إنه خلص أخطاء الطب كلها، مش لاقيين أي أخطاء تانية يعملوها بس الحمد لله.

- أنا كنت بين السماء والأرض ومش حاسة بحاجة، أنا قعدت في العناية المركزة كتير، وبسبب أخطاء العملية البسيطة في القولون والأمعاء، حدث لي تسمم في الدم.

- حدث لى تسمم في الدم بسبب الأخطاء الطبية الكثيرة التي حدثت في المعدة ولو كان الأسلوب والتصرف الطبي وقتها كان صح لم يكن ليحدث كل ذلك.

- بدأوا يمهدوا لبنتى أن مامتها لن تكون موجودة وكنا دخلنا في الشهر الرابع وأن مامتها تتعذب وتتألم وتعبانة وان الموت ممكن يكون أفضل لها.

- ولأن التعامل كان خطأ في خطأ أجريت لي 7 عمليات في 21 يومًا، وكل شوية بنزل العمليات وباخد بنج كلي ولو كان الموضوع من الأول اتعامل بطريقة صح كنت هخلص على طول.

- أحد أكبر الجراحين في أوروبا بكى بعد الإطلاع على حالتي.. وقال أعتذر لك بالنيابة عن كل أطباء العالم.. ثم وقعت قبل إجراء العملية في الخارج على إقرار باحتمال وفاتي نتيجة مضاعفات العملية.. وبعد العملية كنت أتناول مسكنات قوية فيها نسبة من الإدمان.


- فرحت جدا بعد دعوتي للمشاركة في تقديم حفل افتتاح طريق الكباش لكن كنت خايفة.

تعليقات Facebook

تعليقات نيوز 24

ads
ads
ads
ads
ads

استطلاع الرأى

بعد صفقات الأهلي والزمالك.. من الأقرب لحسم لقب موسم 2022- 2023؟

ads
ads