"بيدخل الحمام كتير فكانت الصدمة".. قصة انتحار موظف شركة Teleperformance.. ومفاجآت كارثية عن نظام العمل بمصر

تصدر اسم شركة teleperformance مؤشرات موقع جوجل خلال الساعات الأخيرة بعد انتحار شاب يعمل بها يدعى نورالدين، وهي شركة كول سنتر مالتي ناشيونال لها العديد من الفروع حول العالم.

ونشر أحد زملاء الشاب نور الدين علي جروب كول سنتر عبر فيسبوك قائلا: "نور تم استدعاؤه الأسبوع الماضي من طرف مديره المدعو / محمد سامح عبدالكريم ، وإبلاغه بخصم أربع أيام من مرتبه ، لأنه بيدخل الحمام كتير ، وده لظروف نور الصحية.. وإتكلم مع نور بطريقة مهينة جدا ، وكان في تعمد لاجبار نور علي الإستقالة من طرف مستر محمد".

واكمل حديثه قائلا: "وللأسف نور كان مضطر يستحمل يقعد الفتره دي، لأنه هيقبض البونص بتاعه في شهر فبراير اللي جاي . لكن محمد باشا صمم يرفد نور قبل ما السنه تقفل ، ويحرمه من البونص".


وأردف متابعاً: "نور كان عامل حسابه علي المبلغ ده في سداد ديون عليه كتير.. وده اللي حصل بينهم ، وتم إبلاغ نور بقرار الرفد.. اللي أنا متأكد أنه هيختفي من الورق دلوقتي علشان سمعة الشركة".

واختتم حديثه: "نور ماستحملش ونفسيته كانت منهاره ، ومش قادر يواجه مراته وأطفاله ، واسودت الدنيا في عنيه ،وقرر ينتحر بانه رمي نفسه من الدور التالت في الشركه ومات. دي التفاصيل اللي موظفين الشركه خايفين يتكلموا فيها او ينشروها . .. الاستاذ محمد سامح عبد الكريم ، حضرتك كنت السبب المباشر في انتحار نور ، انا لسه معرفش عنك حاجه، بس بوعد حضرتك ، إن صورتك هتكون منوره في كل صفحات مصر بعد ساعات'.

ونشرت فتاة تدعى روشان بغدادي مقطع فيديو لها على موقع التواصل الاجتماعي "فيسبوك" تروي نظام العمل داخل الشركة والتي دفعت زميلها للانتحار من الطابق الثالث بالشركة.

وأضافت باكية : أنا كنت واقفة جنبه وهو بياخد آخر نفسه في المكان، أنا لحد دلوقتي مش عارفة أقوم من السرير ولا أدخل المكان تاني، متابعة: يا جماعة أنت كتيم ليدر أو مدير حط نفسك مكان أي حد، أنت مسؤول، لازم تحسوا بالناس اللي تحت إيديكم.

وواصلت بغدادي: أنت الموظف بيقضي معاك وقت أكتر ما بيقضي في بيته، بتعاملوا الناس على إنه عبيد، إحنا مش عبيد، زي ما أنت عاوزه يتعامل مع الزبائن وبتعاطف معاهم، أنت كمان لازم تشوف مشاكله فين وتتعاطف معاه.

وأكدت قائلة: الراجل كان واقف جنبي وهو بيموت، بتاع الأمن بقوله ربنا يرحمه قالي الله أعلم، أنت مين عشان تقول مين ربنا يرحمه ومين ربنا ميرحموش.

ووتلقي قسم شرطة التجمع الخامس، بلاغًا مفاده انتحار موظف داخل شركة بدائرة القسم، وبالإنتقال والفحص عثر علي جثة موظف يدعي نور، ملقاة علي الارض.

بعمل التحريات تبين مرور الضحية بضائقة مالية وبالتزامن مع توبيخ مديره له قام بالانتحار بالقاء نفسه من الطابق الثالث.

تحرر عن ذلك المحضر اللازم وتباشر النيابة التحقيقات.