ads
ads
ads
رئيس مجلس الادارة رجــب ر ز ق
رئيس التحرير سامي خليفة
ads

حوار تليفزيوني صريح.. سمية الخشاب: أنا أهلوية.. كلوا كوارع في الشتاء.. وعايزة أتجوز نجار

الأحد 02-01 - 12:21 م
نيوز 24


أجرى برنامج كلام الناس على شاشة قناة إم بي سي مصر، حوارا مع الفنانة سمية الخشاب كشفت فيه العديد من الأسرار حول حياتها كما وجهت رسالل هامة للمشاهير.


وفيما يلي يقدم"نيوز 24" أبرز الرسائل التي أدلت بها سمية الخشاب:

- أنا أهلاوية من الطراز الفريد.

- مؤخرا احترمت نفسي وبقيت أهتم بصحتي وأملا بطنى بطبق السلطة عشان أشبع. قبل كده كنت بضرب مكرونة بالبشاميل ومحاشي زي ما قلبك يحب.

- أنصح كل الناس بما إننا في الشتا بالكوارع وخصوصا الرجلين الأمامية للبقرة، هاتوها واغسلوها كويس جدا، وادخلوا على يوتيوب هتلاقوا طرق كتيرة جدا للكوارع. مفيدة جدا لو بتشتكوا من آلام الظهر والعظم والمفاصل، وكلها كولاجين وحلوة قوي لوشكو. أنا من ساعة ما بدأت آكل كوارع وضعي إتغير


- شيرين قوية وهتعدي، والحياة مبتوقفش عند حد، وما بتنتهيش عند حد، طول الوقت لازم يبقى في أمل وخصوصا لما أكون ست ناجحة، وما شاء الله ربنا يبارك لها في بناتها.

- في أصدقاء مشتركين بيني وبين ندى الكامل طليقة أحمد الفيشاوي، وهي طيوبة جدا ولذيذة، شوفنا بعض في الجونة، واتقابلنا قبل كدا، وهي شخصية لطيفة.

- أنا كنت خايفة عليها في مرحلة معينة، وكان فيه مشاحنات بسيطة وأنا تدخلت وحليتها لأننا كنا في مهرجان، وقولتلها شوية نصايح بس هما انفصلوا بطريقة راقية، وأنا مبسوطة أنها وصلت للحاجة اللي كانت المفروض تعملها وكتبت بوست الانفصال بطريقة محترمة جدا.. وأحمد الفيشاوي أتمنى لي كل التوفيق.

- محمود كهربا نجم الأهلي اهدى وركز في نفسك شوية، أنت لاعب عظيم وأمامك مستقبل كبير، يجب أن يكون تركيزك في الملعب وأوجه لكهربا، هذه الرسالة بكل الحب، لأنني أشعر أنه سيكون له شأن أخر مع الفريق الأحمر.

- لما بيسألوني عايزة تتجوزي أيه اقولهم نجار، لأني بحب النجارة جدا وبحب أعيش وسط الطبيعة.

- المهرجانات نوع من الاغاني الشعبية، وأنا بحب الرقص أوي، ودايما برقص وأبدأ يومي بالرقص.

تعليقات Facebook

تعليقات نيوز 24

ads
ads
ads
ads
ads

استطلاع الرأى

هل تتوقع نجاح إيهاب جلال مع منتخب مصر؟

ads
ads