ads
ads
ads
رئيس مجلس الادارة رجــب ر ز ق
رئيس التحرير سامي خليفة
ads

رحلة قاسية للفنان رضا حامد.. حصل على كارت أحمر من الزعيم.. وواسطة للعودة إلى التمثيل

الإثنين 01-08 - 03:13 م
نيوز 24

روى الفنان رضا حامد عن أمور قاسية وقع فيها على مدار الفترة الماضية، جعلته يتصدر مؤشرات البحث على موقع "جوجل".

وحل الفنان رضا حامد ضيفا في برنامج كلام الناس مع الإعلامية ياسمين عز، وتحدث في العديد من الموضوعات، وكذلك عن معاناته بسبب قلة العمل، وأن ابنه تحدث مع مخرج أحد المسلسلات؛ لإيجاد فرصة عمل له.

كارت أحمر من الزعيم
وتحدث الفنان رضا حامد عن ذكرياته مع الزعيم عادل امام والتي بدأت في فرقة مسرحية "بودي جارد"، التي استمر بها 9 سنوات.

وأضاف حامد خلال استضافته في برنامج "كلام الناس" على شاشة قناة "MBC مصر": "لا أنسى له موقف أنه مسك كتافي كده، وقالي ياض يا رضا، أنت ممثل جامد قوي، فدي حاجة من الحاجات اللي أنا مش ناسيهاله".

وتابع: "لازم أصحح وأفهم الناس إن عادل إمام ده تاريخ كبير، ربنا يعفو عنه إذا كانت ظروفه الصحية مش كويسة، اشتغلت مع عادل إمام في فرقته 9 سنين، وناس نقلت له كلام غلط عني؛ فطردنى".

وأردف حامد: "حصل قبل كده لقاء مع الأستاذ أسامة كمال وذكرت أشياء أعتقد إنها اتفهمت غلط على السوشيال ميديا، لكن أنا مقولتش حاجة غلط تجاه الأستاذ عادل".

واستطرد: "مباكلش عيش، حتى العيش مباكلوش، المصريين أجمل حاجة فيهم بيقولوا الحمد لله، حتى لو الدنيا مزنقة، الحقيقة برضه معارفي القدام تواروا عن الوسط الفني، لكن عندي ابن بيبقى قلقان عليا قوي، حاسس أن أبوه موهوب، وإنه كويس ومبيشتغلش، وشايف غيره بيشتغل كويس".


واسطة لعودة إلى التمثيل
واستكمل: "فوجئت إنه كلم عبد الرحيم كمال مؤلف (جزيرة غمام) على صفحته، فقاله بابا رضا حامد، فالحقيقة هو كلمه ورد عليه، لإن غالبا الناس دي أي حد بيكلمهم مبيردوش، فهو رد الحمد لله، وقاله لا باباك ده نجم كبير وحاجة محترمة وفنان كبير، وإن شاء الله يكون معانا، وده اللي حصل يعني".

وأضاف: "ابني اللي بيتواصل يعني، فقولتله ليه عملت كده؟ قالي لا يا بابا، ما أنت مش عارف تتحرك، فبيتهمني إني مقصر في إن أنا مبتحركش، قولتله هتحرك أعمل إيه؟".



تعليقات Facebook

تعليقات نيوز 24

ads
ads
ads
ads
ads

استطلاع الرأى

في رأيك.. من بطل الدوري هذا الموسم؟

ads
ads