الفنانة هلا رشدي لـ"من مصر": مرضي "أجمل فترة في حياتى".. وجبت 100% في الثانوية
حلت الفنانة هلا رشدي ضيفة في برنامج "من مصر"، للإعلامي عمرو خليل المذاع على قناة Cbc، حيث أدلت بالعديد من التصريحات وتفاصيل أزمتها الصحية الأخيرة.
وتحدثت هلا رشدي خلال الحلقة عن الشبه بينها وبين حنان ترك، وقالت إنها تتواصل مع حنان، وأن بعض الجمهور ومنهم خليجيون التقطوا الصور معها على أنها حنان ترك.
وأضافت أنها تجمعهما نفس روح الانطلاقة والشبه في الشكل بالحجاب، وفي سياق متصل قالت إن والدها يحب أغنية انا ابن مصر وهي الشرارة الاولى لانطلاقتها حيث غنتها مخصوص لوالدها وهي أغنية العسيلي بالاساس وغنتها بشكل رومانسي ونجحت نجاح كبير.
كما تحدثت هلا رشدي خلال الحلقة عن بداياتها ودراستها قائلة: "كنت عايشة في السعودية وكنت بغني وأنا صغيرة في السفارة المصرية، ورجعت مصر دخلت الكلية ومحاولتش أغنى أو ادخل مسرح الجامعة، وكنت بغنى تسلية مع أصحابى بس على السلم كده، وبعد لما خلصت الجامعة رجعت السعودية واتجوزت واشتغلت مدرسة لفترة".
وأضافت هلا رشدى: "أنا شايفة كل حاجة بتيجى في وقتها ومش ندمانة على الوقت اللى عدى، لأن أنا حاسة إنى اكتشفت صوتى في الفترة اللى قعدت فيها، وبقيت بسمع الجديد بجانب لما كنت بسمع أم كلثوم وعبد الحليم، وده اللى خلانى لما أدخل بقى ليا طريقة غناء معينة بقى الناس لما تسمعنى تعرفنى، ويمكن القعدة اللى خلتنى اكتشف ده، وربنا يضع كل حاجة في وقتها".
وعن نتيجتها في الثانوية العامة قالت هلا رشدى: "أنا عديت الـ100% بالمستوى الرفيع وكان والدى ووالدتى وأختى كلهم طب أسنان وكانوا فاكرنى هادخل طب أسنان وأنا كان نفسى أدخل فنون جميلة فالموضوع كان صعب فقلتلهم هادخل تجارة إنجلش ومعملتش طبعا بيه حاجة وحاليا الفن هو شغلى واللى بتربح منه.
وتابعت هلا رشدى: أنا بشجع أي حد يمشى ورا موهبته حتى لو جايب نتيجة كبيرة، لأن في وجهة نظرى أن ربنا سبحانه وتعالى خلق داخل كل شخص مصدر رزقه من موهبته، فلو دخل حاجة بيحبها هاينجح ويكسر الدنيا فيها".
وتحدثت هلا رشدي خلال الحلقة عن فترة مرضها قائلة: "الوجع كان صعب وغير محتمل ولكنها كانت أجمل فترة في حياتى، لانها أكتر فترة قرأت فيها، وبقى الذكر ونيسى وبقيت أذاكر أكتر في شغلى، ودايما بيقولوا المبتلى بينزل عليه لطف الناس مش شايفاه".
وأضافت هلا رشدى: "أنا علطول نيمى في مجال الفن انى أدخل البهجة والسرور على قلوب الناس، ووقت ما تعبت والدى هو اللى قالى عايزك تنزلى صورة تخلى الناس تدعيلك، لأن مش بحب الموضوع ده، وهو اتحايل عليا وقالى يمكن دعوة تنجيكى، وقلتلهم وقتها محدش ينزل الصورة غير لما ادخل العمليات مباشرة".
