تصريح مثير من حازم إيهاب عن ابنه.. إمام المسجد ضحك خلال الجنازة

كشف الفنان حازم إيهاب كواليس معاناته مع ابنه "يونس" قبل وبعد وفاته.


وقال إيهاب، في لقاء له ببرنامج "رمادي" عبر "فيسبوك": "لقيت تليفون جايلي أنه توفى يعني، روح بقى لف لفة تصاريح الدفن وحساب المستشفى، وطبعا من سذاجتي عشان أول مرة أكون في موقف زي ده روحت مكلم حد حجزلي قاعة عزاء وبعدين اكتشفت أنه الأطفال مبيكونش ليهم عزاء أصلا".

أضاف: "وبرضو من سذاجتي باخد (يونس) وهو في الكفن ورايحين نصلي عليه، فإمام المسجد لقيته بيضحك وقالي (يا حبيبي إحنا بنصلي على المتوفي عشان ربنا يخفف عنه ويرحمه وكده.. فإحنا بنصلي على ده ليه؟ ده إحنا نحاول نتمحك فيه بس كده عشان يدخلنا معاه الجنة)، وراح واخده مني وحاطه مع نعش حد كان بيتصلى عليه برضو وروحنا مصليين عليه".