"حط كتفك في ضهر بلدك".. 4 وصايا من الرئيس للمصريين.. ورسائل لا تنسى للشعب المصري
خلال تدشين الوحدات البحرية الجديدة بهيئة قناة السويس، اختص الرئيس عبدالفتاح السيسي الشعب المصري بعدد من الرسائل الهامة.
وشهد الرئيس عبدالفتاح السيسي تدشين الوحدات البحرية الجديدة لهيئة قناة السويس، لتعزيز الأسطول البحرى لهيئة قناة السويس، حيث تعزز القطع البحرية الجديدة تنافس قناة السويس ومواكبة التطور التكنولوجي في مجال صناعة الوحدات المعاونة.
كان الرئيس السيسي تفقد القرية الأولمبية لهيئة قناة السويس، واستمع إلى شرح مفصل عن تصميم القرية، التى تضم أحدث الاستادات الرياضية ونادى صحى رياضى يضم "جيم" على مسطح 850 مترا مربعا ووحدة للطب الرياضى لعلاج الإصابات الرياضية.
اوعوا تسمعوا كلام حد يسيئ ليكم
وطالب الرئيس عبدالفتاح السيسي، المواطنين بعدم تصديق ما يشاع ضد الدولة، قائلا: "اوعوا تسمعوا كلام حد يسيئ ليكم، بنحاول نكون أمناء مع المصريين في كل شئ طيب نخبى عليكم ليه؟ .
أضاف الرئيس السيسي: "أى حاجة بتتعمل بدراسات مش ناس قاعدة مع بعضها، دي مكاتب عالمية، وكل شيء بيدرس نصرف على مقتضاها المليارات طيب النتيجة إيه 2 مليار اللى جم السنة اللى فاتت يعني 37 مليار جنيه غير اللى قابله".
تابع الرئيس: "كان مهم نقول الكلام ده لمصر والإعلام إوعا تتكلم إن مصر كويسة هات اللى قالوا كله وضحكونا على اللى قالوه.. مالكوم خايفين تجيبوا اللى قالوه ؟.. بنرد عليهم بالواقع والحقائق".
وقال الرئيس: "احنا دايما كمصريين ومثقفين وإعلاميين ومعنيين بمستقبل مصر واستقرارها افتكروا في 2014 من نفس المكان أطلقنا حفر القناة الجديدة وحصل نقاش وجدال كتير، هل المشروع ده كان مهم إن احنا نعمله؟ وهل الدولة كانت محتاجة تعمل ازدواج ولا لأ؟.
كان دخلنا 4.8 أو 5 مليارات دولار بنتلكم دلوقتي في 7 ولسه
وتابع الرئيس السيسي: "المثال قدامكم وواضح بتتكلم كان دخلنا 4.8 أو 5 مليارات دولار بنتلكم دلوقتي في 7 ولسه، لو جبت الرقم اللى اتدفع في التوسعة أخدنا أكتر منه خلال 5 سنين اللى فاتت".
و وجه الرئيس عبد الفتاح السيسى، رسالة إلى المصريين يطالبهم فيها بالوقوف خلف بلادهم وليس خلف شخصه كرئيس للجمهورية أو الحكومة، ولكن دعم بلادهم في مسيرة التنمية والوقوف أمام التحديات وعدم السماح لقوى الشر بإحباطهم أو التشكيك فيما تحققه الدولة من إنجازات.
هتسيبوا بلدكم يا مصريين وتتخلوا عنها
وقال الرئيس عبد الفتاح السيسى، "هتسيبوا بلدكم يا مصريين وتتخلوا عنها؟ عايزين نشيلها عشان نعدي بها ولازم تفضل يا مصري حاطط كتفك في ضهرك بلدك في كل وقت مش ضهري ولا ضهر الحكومة، وأوعي حد يضيع حلمك وأوعي حد يحبطك ويصيبك باليأس".
لازم تكونوا متأكدين أن ربنا بيساعد
واختتم حديثه قائلا: "لو احنا مفسدين مش هننجح وإذا كنا مصلحين وبنبني ونعمر وننمي ونغير حياة المصريين للأفضل لازم تكونوا متأكدين أن ربنا بيساعد".
