طبق اليوم.. "مطبخ العربية" يقدم طريقة عمل الفريك وشوربة الفراخ

مطبخ العربية يقدم اليوم طبق جزائري، بننصح به على سفرة الإفطار في شهر رمضان المبارك، ممكن كمان نقدمه على الغداء أو العشاء في أي شهر تاني من السنة، طريقة عمل الفريك وشوربة الفراخ .

المكونات:
صدر دجاج، مقطع إلى مكعّبات صغيرة، بصل مفروم، عيدان الكرفس، مقطعة، جزر مبشور،ثوم مفروم ناعماً، طماطم مكعبات مطبوخة، فلفل أحمر، فلفل أسود، ماء، بودرة مرقة فراخ، فريكة، حمّص مسلوق، مسحوق نعناع مجفف، كزبرة طازجة مفرومة ناعماً، شرائح ليمون طازجة، زيت زيتون

التحضير
في حلة كبيرة، سخن زيت الزيتون على نار متوسطة، ضيف قطع الفراخ، وسيبها تستوي لمدة دقايق لحد ما يبقى لونها أسمر. شيل الفراخ من على النار وسيبها على جنب. في نفس الوقت اغسل الكزبرة وافرمها.

في نفس الحلة قلب البصل، والجزر، والكرفس لحد ما يبقى شفاف وناعم. ضيف الثوم وافرم الكزبرة وسيبهم على النار لمدة دقيقة واحدة.

ضيف الطماطم من برونتو كنور وسيب الخليط على النار لمدة دقيقتين مع التحريك.

ضيف البابريكا، والفلفل الحراق، والفلفل الأسود بعدين ضيف الفراخ وسيب كله على النار لدقيقة تانية مع التحريك.

ضيف الماء، وبودرة مرقة الفراخ من كنور، وزوّد النار لحد الغليان، بعدين غطيه وخفف النار وسيبها تغلي ببطء لحوالي 10 دقايق قبل ما تضيف الفريك، وسيب الخليط على النار لمدة بين 30 ل 40 دقيقة.

ضيف الحمص للشوربة وسيبها تغلي حوالي 10 دقايق.

قدم الطبق سخن مع شرايح الليمون وورق الكزبرة على جنب، وممكن تضيف شوية عصير ليمون أو زيت الزيتون حسب الرغبة.