حفيد عبد الحليم حافظ يعلق على "خطاب السندريلا"
أثارت أسرة الفنان عبد الحليم حافظ حالة من الجدل حول علاقته بالسندريلا سعاد حسني، بعد نشر خطاب يؤكد وجود قصة حب بينهما عبر منصات مواقع التواصل الاجتماعي.
وعلق حفيد العندليب، نور الشناوي، ابن "زينب" ابنة شقيقة عبد الحليم حافظ، على هذه الواقعة عبر حسابه الرسمي على فيسبوك، مؤكدا استياءه من الواقعة.
وكتب الشناوي منشورا قال فيه: "أنا قاعد ساكت كثير احترام لآراء الناس اللي على راسي، والانتقادات اللي حصلت الكام يوم اللي فاتوا في موضوع الرسالة وأن العيله لقوا الرسالة دلوقتي وإننا عايزين نطلع ترند ونتشهر ونشوه وكلام ملوش أساس من الصحة".
واستكمل: "العيلة أصلاً مش اللي ابتدت الموضوع ده والصحافة، وناس كثير أوي عايزه تكسب وتستفيد من ورا الموضوع ده وإن عايزه تجوز اتنين بالعافية وهما ماتجوزوش واللي عنده إثبات يطلعوا لكن كله كلام في الهوى ومالوش أي أساس من الصحة".
وأنهى حفيد العندليب منشوره: "من حقنا كا عيله يا ناس محترمة إن لما يتم افتعال شيء ماحصلش إننا نطلع ننكر، وأي حد لو مكانه هيعمل كده، الحمد لله مفيش أي فنان في مصر أو بيت فنان في مصر حد قدر يحافظ القيمة والقامة الفنية اللي عبد الحليم حافظ سابها لمصر والعالم العربي من بيت لمقتنيات شخصية ولتراث فني زينا.. أنا بس مش فاهم ليه لو الواحد اتجوز هينكر الجواز ده شيء ما فيهوش عقل أصلاً ولكل الناس التقدير والاحترام".
يشار إلى أنه خلال الأيام الماضية تم تداول خطاب بخط اليد يحمل عبارات رومانسية ولوم، وتردد أن أسرة العندليب عثرت عليه وسط مقتنياته.
