مروة عبد المنعم: نفسي أتحجب قبل ما أموت

كشفت الفنانة مروة عبد المنعم عن موقفها من ارتداء الحجاب، مؤكدة أنها كانت على وشك اتخاذ هذه الخطوة في وقت سابق، لكنها تراجعت خوفًا من أن تخلعه لاحقًا، وأعربت عن أمنيتها الكبيرة في ارتداء الحجاب قبل وفاتها، قائلة: “يا رب أموت محجبة وشهيدة”.

وقالت مروة، خلال تصريحات تليفزيونية: «أنا مؤمنة إن الحجاب فرض، وأمي بتدعيلي ليل نهار إني أتحجب، وبتقولي إنك طيبة وهتدخلي الجنة من أعمالك، وكَمّلي ده بالحجاب»، وأضافت لو اتحجبت هيجيلي شغل أكتر، بس خايفة من الفتنة، ولسه بحب التمثيل، ولو جاتلي أدوار بعد الحجاب يا أعملها وأنا محجبة يا أرفض.

وأوضحت أنها تؤمن بعبادة «جبر الخواطر»، وعلقت العبادة مش صوم وصلاة بس، والناس كفروني علشان مش محجبة، وأنا مؤمنة إني هتعاقب، بس يمكن قبل ما أموت بيوم أتحجب، ويا رب أموت وأنا مخلصة في عبادتي.

وكانت مروة قد أثارت الجدل مؤخرًا بسبب تصريحات سابقة قالت فيها أنا مؤمنة بالحجاب، بس يوم ما هنزل القبر هتسأل علىالحجاب الصلاة مش الحجاب، ومش علشان مش محجبة أبقى كافرة، وده فهم خاطئ للدين، ما عرضها لهجوم واسع من بعض المتابعين.