مروة صبري تدافع عن إدوارد: مستحيل تقصد أو تتعمد تتاجر بأزمة إنسان

وجهت الإعلامية مروة صبري رسالة للفنان إدوارد بعد الانتقادات التي كانت قد تعرض لها تزامنًا مع استضافته للفنانة عزة سعيد، التي تبين أنها غير متزنة نفسيًا وقت استضافته لها في برنامجه القاهرة اليوم.

وكتبت مروة صبري عبر حسابها بموقع فيسبوك: "الجميل أبو قلب أبيض "إدوارد" طبعا أنا شهادتي فيك مجروحة عشان أنت مش بس زميل في نفس القناة لكن عشان أنت عشرة سنين أخوات وأصحاب، لكن كلمة حق لازم أقولها قصاد الهجوم الكبير والاتهامات الغريبة اللي اتعرضت لها الأيام اللي فاتت".

وأضافت مروة صبري: "أنت من أطيب الناس اللي ممكن حد يتعامل معاهم ودايما بتحاول على قد ما تقدر تساعد اى حد وعمرك ما اتاخرت عن زميل أو صديق ليك بيمر بأزمة، بالعكس دايما بتحاول تقف جنبه وتساعده وخصوصا الفنانين  اللي الزمن قسى عليهم ونسيهم بتستضيفهم في برنامجك الناجح" القاهرة اليوم “عشان تجبر بخاطرهم وتفرح قلبهم وتقولهم احنا فاكرينك”.

وتابعت مروة صبري: "وأنا متأكدة إنك مستحيل تقصد أو تتعمد تتاجر بأزمة أي إنسان مش كمان زميل ليك فى المهنة اللي أنت بتعشقها وبتقدر كل زمايلك فيها
متزعلش يا إدوارد ... جمهورك الحقيقي عارفك وواثق من نيتك الطيبة واحترامك".