"الغندور" يفتح النار في كل الاتجاهات بعد "فضيحة" المنتخب الأوليمبي
فتح الإعلامي خالد الغندور قائد الزمالك الأسبق النار في كل الإتجاهات بعد خسارة المنتخب الأوليمبي أمام مالي وتوديع حلم أوليمبياد البرازيل 2016.
وقال الغندور "بسم الله ما شاء الله اتغلبنا وخرجنا من كل البطولات ناشئين وشباب ومنتخب أوليمبي ومنتخب كبير ومدربين وطنيين ياسر رضوان وجمال محمد علي وحسام البدري وشوقي غريب".
وأكمل الغندور: "نجحنا في انتخابات مجلس الشعب وحتى رئيس الاتحاد سقط في الانتخابات وحسام البدري رفض وجود كوبر بس وافق على وجود قناة مع الفريق ومراسل عشان الاتحاد باع الكواليس، وأكيد المبررات معروفة مافيش إعداد واتحاد الكرة لم يساعدني".
وأكمل الغندور: "ستبقى المجاملات هي الأساس والناجح الوحيد ربيع ياسين طلع بره عشان مالوش ظهر ومش من رجاله فلان وفي النهاية يبقي الاتحاد وكل حاجة زي الفل وبكره دوري ونرجع لخناقة الأهلي والزمالك والتحكيم وإحنا فاشلين في كل حاجة ولكي الله يا مصر".
