عمرو مصطفى تعليقًا على أزمة الدولار: "كان بـ5 جنيهات قبل 25 يناير"

أعرب الملحن والمطرب عمرو مصطفى عن استيائه من الأشخاص المستائين من ارتفاع الدولار في السوق المصرية.

وعلق مصطفى من خلال صفحته الرسمية على موقع التواصل الاجتماعي "فيس بوك" قائلًا: "أنا بصراحة مخي بيعجز عن استيعاب الناس اللي بتقول إنها متضايقة من حال البلد عشان سعر الدولار والسياحة اللي اتضربت وإن مفيش مصانع ولا إنتاج".

وأضاف رغم أن كل ده مكنش موجود قبل يناير (السياحة كانت زي الفل والدولار بخمسة جنيهات والمصانع كانت شغالة) ولما كنا بنقول إن اللي بيحصل هيخلي السياحة تضرب والدولار هيغلى المصانع هتقفل و"عجلة الإنتاج".

وتابع كانوا هم نفس الناس دول يقولولنا ده طبيعي ولازم نضحي بالبلد ومصالح الناس وأرزاقهم عشان الثورة تنجح وكل ثورة ولها خساير وطبيعي نستحمل الوضع ده عشر سنين عشان نبقى سويسرا.