الرئيس السيسى: مفيش أمم قامت على الكذب والافتراء

أعرب الرئيس عبدالفتاح السيسي، عن إعجابه بشباب الخريجين، قائلا: "كان لازم أسجل ده لأن ده إحساس اتولد في حينه ..بقول كده للناس علشان الفترة اللى إحنا فيها كتير من البهتان والإفك والإثم والشرور .. والكلام الذى لا يليق .. وإسمحولى اقولكم وأقول لكل الناس اللى بتتكلم بالطريقة دى.. مفيش أمم قامت على الكذب والافتراء ولا على الهدم.. الأمم تقوم على الصدق والعمل والأمانة.

جاء ذلك خلال احتفالية المولد النبوى الشريف.

وقال الرئيس عبدالفتاح السيسي خلال احتفالية وزارة الأوقاف بالمولد النبوي الشريف: "مفيش أمة في العالم تطلع لقدام ابدا من غير ما تاخد بأسباب الدنيا لكن يحرسها مسار اخلاق عميق .. ولو تخلت عنه لا يمكن اللى بيتخذوا منهج الأشرار.. وبقول اشرار لاني انأى بنفسى.. لا يمكن فيه امة تطلع لقدام .. بقول للأشرار اللي بيتصوروا انهم ينجحوا أبدا بغير سبيل المصلحين ..الهدم ..والخراب .. والظنون وإشاعة الألم والفرقة والانحطاط.. والكذب .. مفيش نجاح غير بسبيل المصلحين.. الهدم الظنون والشكوك وإشاعة الألم والفرقة والانهيار والكذب لا يمكن.. دي مش سنن ربنا.. والله هذا الامر ليس من سنن الله عز وجل هذا الامر ليس من سنن الله ابدا".

تابع الرئيس مخاطبا الدعاة: "المهم أقول ليكم وانتم دعاه تتحدثوا للناس في المنابر.. بكرر الكلام ده ليكم.. المنهج اللى ماشيين بيه صدقوني منهح بيحاول يكون مستقيم وأمين ومخلص لله وشريف كمان في هذا المسار.. معنديش شك".