عاجل
الجمعة 19 أبريل 2024
رئيس مجلس الادارة
رجب رزق
رئيس التحرير
سامي خليفة
الرئيسية القائمة البحث

الرئيس يوجه الحكومة بدراسة زيادة مخصصات صندوق دعم الأسرة.. والرجولة مش بالصوت العالى

أرشيفية
أرشيفية

أكد الرئيس عبد الفتاح السيسى، أن الرجولة فى التعامل داخل الأسرة بالإنسانية والسعة والصبر، متابعا: "كل السيدات اللى قابلتهم ناس طيبة وأفاضل.. حبيت النقطة دي في بداية كلمتي من قلبي.. نخلي بالنا ونكون أكثر كرما وتسامحا وودا وتنازلا.. والله الرجولة مش بالصوت العالي خالص".

وأضاف الرئيس السيسي خلال كلمته فى احتفالية يوم المرأة المصرية والأم المثالية: "والله العظيم الرجولة مش بالصوت العالي.. بالإنسانية والسعة والصبر ولها حق علينا.. لكل سيدة وفتاة وكل سيدة كبيرة في السن.. كل عام وأنتم طيبين وادعولنا وبنشكركم".

وقال الرئيس عبد الفتاح السيسي، أنه فى كل الأديان تدعو يعني إلى القيم الطيبة والنبيلة والإنسانية الرائعة، متابعا: "لازم قوانين وبرامج علشان مش نقول الحماية بالمزاج والخاطر.. الدولة توفر الحماية.

وأضاف الرئيس السيسي، خلال كلمته في احتفالية يوم المرأة المصرية والأم المثالية: "مش عاوز اضغط على الدكتور مصطفي مدبولي ونحط في صندوق الأسرة أكثر من كده أو صندوق كبار السن.. ليه يا دكتورة هالة.. انحزي للمرأة

الدكتورة نيفين بسألها بقولها.. بتقولي أن احنا الصندوق بتاع مش عارف التعبير ده.. الراجل اللى سابها.. بندي 500 جنيه وإجمالي اللى بندفعه في السنة 2 مليار.. تفتكروا المبلغ ده أو ضعفه أو الضعفين.. كفاية لأم وتكون عايشة حياة كريمة... ادرسوا صندوق الأسرة.. ياريت نقدر نخلي الصندوق ده.. وعلشان الدكتورة نيفين المعنية بالموضوع أنها تلبي الطلبات دي".

قال الرئيس عبد الفتاح السيسي، أنه أكد خلال السنوات الماضية التزامنا الأصيل بتعزيز مكانة المرأة المصرية بما يعكس قيمتها وحجم التحديات بكل تجرد من كل هوي إلا هوي الوطن.. هي ضمير الأمة ونبضها والحارس الأمين على الهوية المصرية والسند والدرع الواقية أمام محاولة النيل من عزيمة الوطن.

وجه الرئيس عبدالفتاح السيسي، تحية إجلال وتقدير لكل سيدة مصرية، تسجل كل يوم في مختلف المجالات والميادين أسمى معاني العطاء والصبر والتضحية والكفاح ساعية بكل إخلاص وجهد للحفاظ على أسرتها ووطنها.