عاجل
الأربعاء 22 مايو 2024
رئيس مجلس الادارة
رجب رزق
رئيس التحرير
سامي خليفة
الرئيسية القائمة البحث

الرئيس السيسى: "فيه وظائف تكنولوجية بتعمل 100 ألف دولار فى السنة"

جانب من الحدث
جانب من الحدث

تحدث الرئيس عبد الفتاح السيسي، عن فرص العمل المتاحة والكبيرة في مجال الاتصالات وتكنولوجيا المعلومات، متابعا: "ده أكبر قطاع ممكن، وبقول الكلام ده للمصريين والناس اللى بتعلم ولادها من الكلام ده.. بلد فيها 106 ملايين.. العنصر البشري المطلوب فيها قليل.. أرقام غير خالص اللى الدكتور عمرو طلعت وزير الاتصالات فرحان بيها.. مصر لو عندها كوارد بشرية متقدمة وهو بيتكلم هنا عن التعهيد.. ممكن أوى وما خرجتش عن المحاضرة والكلام بتاعنا".


وأضاف الرئيس السيسي، خلال كلمته في افتتاح مركز البيانات والحوسبة السحابية: "بنبه المصريين لتعليم ولادهم في مراكز للثانوية العامة.. علشان يتعلموا التطور التكنولوجي.. فرص بتوفر 20 و30 و40.. المجال ده عاوز مليون كل سنة.. إحنا في مصر فين؟.. ما جرحتش عن الكلام ده.. إحنا بنعمل حاجات كتير أوي وكتير من الناس البسطاء مايعرفوش.. ولاد في إعدادي وابتدائي دلوقتي.. خليكم في اللى بنتكلم فيه.. على المستوي الثالث "البرمجة الحديثة" يعمل بـ 100 ألف دولار في السنة".

قال الرئيس عبد الفتاح السيسي، إنه في ظل إنشاء مراكز البيانات والحوسبة السحابية وغيرها يتغير شكل وحجم وسرعة العمل في الحكومة، متابعا: "ده كله له تكلفة والتكلفة تخص لو ما كناش عملناه.. الأرقام اللى اتكلفت بيها الموضوعات دي في مراكز البيانات كبيرة".


وأضاف الرئيس السيسي، خلال كلمته في افتتاح مركز البيانات والحوسبة السحابية: "مدينة العدالة في العاصمة الإدارية الجديدة.. اتعرض عليا التخطيط وبعد العرض قولت طبقا للمعايير المناسبة أن المدينة تكون رقمية ودخلت الشركة وعلشان تعمل دي رقمية وقالت إنها هتحط تعديلات على الكلام ده والطلب ده.. وحصل تعديل كبير جدا على التصور الهندسي لمدينة العدالة وده بيخلي حجم العمل داخل المدينة وزي ما الحكومة شغالة وتشتغل أكثر.. الأداء سيكون أكثر تقدما وتطورا وأكثر جودة لينا".

وتابع الرئيس السيسي: "تفتكروا الرقم لرقمنة مدينة العدالة.. بقول كده للناس في مصر.. انتوا بتقولوا صرفتم كتير.. انتوا بتصرفوا كتير ليه؟ هو أنا عندي خيار تاني.. يبقي زي مخاليق ربنا اللى موجودين في الدنيا هنبقي متخلفين.. إحنا دولة مش غنية.. ولو مش عملنا الكلام ده".