"نفسي اثنين يرجعوا لبعض".. تصريح غامض لـ فريدة سيف النصر
أثار منشور للفنانة المصرية فريدة سيف النصر، حالة من والفضول الجدل بين رواد مواقع التواصل الاجتماعي بسبب منشور غامض لها.
ونشرت الفنانة فريدة سيف النصر عبر صفحتها الرسمية على موقع التواصل الاجتماعي "فيسبوك"، قالت فيه: "نفسي اتنين بعينهم يرجعوا لبعض ومش شايفة حد لايق على التاني زيهم"، مما أثار حال من الجدل والتفاعل والتساؤلات حول هوية الثنائي الذي تقصده هذه التصريحات الغامضة.
وأضافت الفنانة فريدة سيف النصر،: " الغريب الحب موجود والعين حق.. ياللا عليه العوض.. اتنين كمان حزينة أنهم يسيبوا بعض .. هو نجم جميل أخلاقه عاليه نظيف وشريف.. وهي محترمه وفنانة جميلة .. والنجوميه والله بتزول لكن البيت والعشرة اهم من الدنيا لما هاتعجزوا هاتعرفوا يارب ترجعوا بالسلامة".
وواصلت فريدة تصريحاتها الغامضة، قائلة: "دي بقى حاجه مهمه نسألها لأنفسنا قدام المرايا قبل مانخرج.. قوليلي يابت انتي يابت عندك كام سنه دلوقتي يا مدهوله.. ردي ردت المايا في زورك كام بتقولي كام... هههههه ماشي قولي خمسه براحتك .. المهم مفيش حد ماتخطاش الخمسين والستين كمان واللي عندهم عيال بقوا أطول منهم واللي ماعندهمش ولاد إخوانهم فضحوا العمر غير بقالكم أربعين سنه شغل ... قولي لنفسك انتي عايزه تفضحينا يابت دنيا واخره بذمة ابوكي ده لبس يليق علي سنك . هزءي نفسك وعقليها بدل اللي بتسمعه من كل من هب ودب ما هو اللي بيحترم نفسه بيحترمه الناس.. ما علينا المشكله العيال الطالعه واخدينكم قدوه".
وأردفت: "بعد كده هانبقي حفلاتنا علي شاطئ العراه اللي منه علي جهنم من أول حوادايه.. أي فنان مهما بدء محبوب، وخرج عن تقاليد ولاد بلدنا وحب يتأمرك أو ينفلت مظهرا وتصرفات وفنا وأدوار تؤدي للمخطط السافل والانحلال يفقد شعبيته مهما كان حلو أو حلوه اصل ياحلوين الشعب المصري يتفرج على الفسق ماشي ياخد فكره لأنه حشري وذكي، لكن يكون في بيته لأ ومليار لأ في فنانينه اللي حبهم لأ.. بيفقدوا أرصدتهم داخل قلوب جمهورهم ويؤدي إلي الإنصراف والنتيجه على المدي البعيد أفول نجم".
هذا واستنكرت فريدة ورود تساؤلات متكررة لها بشأن قضية "المساكنة"، والتي باتت موضوعًا مثيرًا للجدل في الوسط الفني بعد تصريحات مشابهة من بعض النجوم، معقبة عبر صفحتها الرسمية: " قولا واحدا يعني زنا، إلهي تسكنوا في نار جهنم يا بعدا، ماهو ربنا قال إن النار وقودها الناس والحجارة، استغفر الله العظيم، واللي هيسأل تاني باستعباط بلوك دي ردها كلمة واحدة مفيهاش كلمتين ولا هزار، بلا قلة أدب، وكتر خيركم جبتولنا الشتيمة للوسط كله".
