أحمد شوبير يهاجم اتحاد الكرة بسبب مباراة الأهلي
شن الإعلامي أحمد شوبير حارس مرمى الأهلي ومنتخب مصر السابق هجوما عنيفا على مسؤولي اتحاد الكرة بسبب طاقم حكام مباراة الأهلي وبتروجت أمس في الدوري المصري الممتاز.
وانتهت مباراة الأهلي وبتروجت بفوز الأهلي 3-2 بعدما كان متقدما 2-0 وبعدها أدرك بتروجت التعادل قبل أن يسجل جراديشار بعد نزوله في الشوط الثاني هدف الفوز.
وقال أحمد شوبير: «مباراة بتروجت والأهلي أدارها الحكم محمد معروف وكان على تقنية الفيديو (الفار) محمد الشناوي ومحمد راشد ونقف شوية عند التحكيم، أنا لا أعترض على أي حكم ولكن أنا بعترض على الطريقة مفيش حاجة اسمها بحكم فار بس، لو كده أرجع أجيب الحكام اللي بطلوا ونخليهم حكام فار بس بكل خبراتهم الكبيرة».
وأوضح شوبير: «فأنا النهاردة مينفعش أحط حكم فار لم يطلق صافرة في مباراة واحدة بالدوري الممتاز لابد أن يكون الحكم لديه حساسية الملعب، ومش هقارن لعبة برشلونة مع لعبة إمام عاشور، ولا هكلم على نتيجة المباراة أنا عايز أحط اسس أنتوا مش عايزين تنجحوا انتوا مش عايزين تشتغلوا صح ومهما جبتوا أوسكار رويز ولا غيره ولا برتغالي ولا مش عارف ايه مش هينفع».
وأضاف شوبير: «الكلام اللي أنا بسمعه إن رويز ده رائع وبيشتغل كويس على الحكام، بس حكم منزلش الملعب إزاي يا جماعة، متقعدش تقولي ده في ألمانيا وإسبانيا عشان هجيب لك مليون حاجة قدامها جماهير وملاعب وإدارة وغيره لو انت عايزين أقول لك هذا الكلام».
