شاهد| فيديو توبة سما المصري: «أنا هقفل كل حاجة وهاكسب بالحلال»

نشرت الفنانة الاستعراضية سما المصري، على حسابها الشخصي عبر تطبيق تيك توك، مقطع فيديو أثارت به جدلًا واسعًا بعد ظهورها وهي منهارة من البكاء وتعلن توبتها وارتداء الحجاب.

فيديو توبة سما المصري

وأعادت سما نشر الفيديو، على حسابها الخاص بـ"فيسبوك" قالت فيه وهي تغالب دموعها: "استروا عليّ.. واللي عنده فيديو وحش ليا يشيله.. أنا تعبانة ومش عارفة أعيش.. ربنا تاب عليّ، ويا رب اقبلها مني علشان خاطري.. حبيت أقول مش أنا، ومش هبيّن شعري ولا جسمي تاني. ساعدوني، أنا هقفل كل حاجة، وهاكسب بالحلال".

وعلقت على الفيديو قائلة: "أنا قفلت إنستغرام وهقفل الفيس بعد الفيديو دا واللي على التيك توك مسحت من عليه كل حاجة.. أنا في صراع نفسي مش قادرة أتحمله.. يارب توب عليا تعبت والله.. اقبلها مني يارب توبة نصوحة لوجهك الكريم.. وما اقلعش الحجاب تاني يارب.. لو بتحبوا النبي محدش ينشر حاجة ليا بجسمي ولا شعري تاني أنا لبست الحجاب.. عشان خاطر النبي ماتنشروش حاجات بجسمي.. أبوس إيدكم".

خروج سما المصري من السجن

كانت سما المصري، قد قد تم الإفراج عنها بعد قضائها الأحكام الصادرة ضدها في ثلاث قضايا من بينها التعدي على القيم الأسرية.

أبرز تصريحات سما المصري

وعلى جانب آخر حلت سما المصري، ضيفة على أحد البرامج التليفزيونية وتحدثت خلال اللقاء عن تفاصيل أزمتها وتنازل المستشار مرتضى منصور عن 21 قضية ضدها، وتفاصيل حياتها الشخصية.

وقالت سما المصري في تصريحاتها: "ضربت جوزي وأنا عصبية جدًا، ولو كان غار على كرامته وقالي لازم نتطلق كنت بقيت مبسوطة، واتطلقت منه بسبب كده والراجل لو معندوش كرامة بالنسبة ليا ولا حاجة".