مرتضى منصور موجهًا حديثه لرئيس لجنة الحكام: أنت بتستفز الناس ليه؟!
عاتب مرتضى منصور، رئيس نادي الزمالك، جمال الغندور، رئيس لجنة الحكام باتحاد الكرة المصري، بسبب إسناد الأخير بعض المباريات الهامة بالدوري للحكامين محمود عاشور ومحمود البنا.
وقال مرتضى في تصريحات تلفزيوينة: "محمود عاشور مش طايقه ومش عايزه يحكم للزمالك".
وأكمل: "بقول للغندور من فضل حضرتك كفاية الاتنين دول وبلاش "عند"، لأن الاتنين دول أصبح "متعلم" عليهم، انت بتسفز الناس ليه؟".
وتابع: "احنا بندعمك وبنساعدك وفرحانين إنك جيت، وأنا لما سُئلت بشأنك قولتلهم الراجل ده كويس".
وأضاف: "ولكن مع هذا مينفعش إنك تستفز الناس".
واختتم تصريحاته موجهًا حديثه لاتحاد الكرة المصري: "لو عايزين المنظومة دي تمشي لابد من العقاب على الأخطاء".
