"عفرتو": نستحق الفوز على الزمالك
أكد مصطفي عفرتو مهاجم النادي الإسماعيلي، أن فريقه استحق الفوز على الزمالك خلال المباراة التي أقيمت بينهما اليوم الأربعاء.
وقال عفرتو: "الحمد لله كنا بنلاعب فريق كبير وإحنا فريق كبير الحمد لله قدرنا نخرج من الكبوه اللى إحنا فيها وإن شاء الله ننافس على بطولة لأن ده مكان نادى الإسماعيلى إن هو ينافس وبحمد ربنا على المكسب".
وأضاف عفرتو: "بشكر كل الأجهزه اللى عدت على نادى الإسماعيلى وبشكر المدير الفني خالد القماش اللى هو اول ماتش ليه ونكسب الزمالك الفريق الكبير فتتحسبله طبعا واحنا كنا رجاله فى الملعب ونستحق المباراة وكنا أخطر واحنا عندنا كوره كان ناقصنا الروح وبنوعد الناس اننا هنخش المربع الذهبى".
وأكمل: "خالص والله أنت بتلعب باسم كيان وتشيرت كبير زى نادى الإسماعيلى. وبنشكر كابتن أحمد حسام ميدو على الفترة اللى مسكها وعمل طفره فى الفريق".
يذكر أن الإسماعيلي قد فاز على الزمالك اليوم، بهدف دون رد.
