شريف إكرامي: "هارد لك للزمالك وفرحتنا ستكتمل بدرع الدوري"

أكد شريف إكرامي حارس مرمى النادي الأهلي، أن مباراة الزمالك كانت في غاية الصعوبة، خاصة أن المنافس قوي ولكن الفريق الأحمر قدم مباراة قوية.

وقال حارس مرمى النادي الأهلي، في تصريحات: "كانت مباراة مهمة جدًا لكذا سبب وفنيا كانت مهمه جدًا إننا نفرق في الدوري ودفعة كويسة إننا نكمل حلو في الدوري وأكتر من دفعة معنوية لصالحنا وهارد لك لنادي الزمالك والدوري لسه طويل ومبروك للجهاز الفني واللاعيبه على الأداء وعاوزين نكون واقعين طبعًا إحنا من حقنا نفرح النهارده لكن عندنا مباراه تانيه يوم السبت وده قدر لاعبي الأهلي إننا لازم نفصل ومن بكره هيبقى عندنا استعداد لماتش الجيش وطبعًا حقنا نكسب لكن نكون واقعيين والفرحة الكبيرة لما نكسب الدوري".

واضاف إكرامي: "إحنا بقالنا فتره كبيره في توتر حول النادي الأهلي في مشاكل وأزمات وكان لازم إننا نفصل ولاعب الأهلي مهما كان الصعوبات بيكون مسئول عن البطوله بقول إن اللاعبيه قد المسئولية وطبعًا الللاعيبة الكبيرة عليها المسئولية الاكبر لأنهم أكتر خبرة، لكن في الاخر كل ده بيدور في الفرقة، وكل الناس اللي موجودة عندهم نفس المبدأ وده كان باين في الماتش النهاردة".

واختتم: "احنا قدامنا لقب وقدامنا هدف وكل اللي احنا فيه ده خطوات بس في الأول والآخر في 3 نقط لازم تاخدهم من مين ده مش مهم المهم إننا نتصدر جدول الدوري لأن الاهم إننا نرجع درع الدوري للجزيرة".