نجل مرتضى منصور يطلق تصريحات نارية ردًا على "ميدو"
رد أمير مرتضى منصور نجل رئيس نادي الزمالك على التصريحات التي أطلقها أحمد حسام "ميدو" المدير الفني السابق للفريق خلال استضافته أمس ببرنامح القاهرة اليوم مع الإعلامي عمرو أديب.
وقال أمير مرتضى، عبر حسابه الشخصي بموقع التواصل الاجتماعي فيسبوك: "رغم حزنى الشديد واحترامًا لجماهير نادي الزمالك مش هرد على أى إساءة أو اتهام أو إهانة وده مش ضعف الحمد لله أقدر أرد فى أى وقت".
وأكمل أمير: "بعتذر لكل البرامج اللى طلبت أن أكون ضيف عشان أرد لأن مصلحة النادى دلوقتى أهم من غضبى وحرقة دمى وحقى فى الرد، ولكن هسكت عشان مصلحة النادى وعشان محدش يشمت أو يتريق علينا".
وأضاف نجل رئيس الزمالك: "هبذل أقصى جهدى أنى أقنع والدى أنه يسكت وميردش عشان خاطر الجمهور، والفريق لأن الفترة الجاية صعبة الفريق هيبدأ أفريقيا وكأس مصر، والدورى محتاج تركيز والمدير الفنى محتاج دعم ومساعدة ومساندة".
واختتم أمير تصريحاته: "أقسم بالله كلمة زملكاوى أحسن من أى منصب بالنسبة لى، واللى بيحب الكيان بجد يحط مصلحة الزمالك قبل مصلحته".
