بالفيديو.. محمد هنيدى: الجمهور سيشاهد مسرح جديد فى 3 ايام بالساحل

أعرب الفنان محمد هنيدى عن سعادته بالعودة لخشبة المسرح من جديد، بعد غياب دام 15 عاما، وذلك من خلال مسرحية "3 أيام فى الساحل".

وأضاف"هنيدى" الذى حل ضيفا مساء اليوم، هو وأبطال مسرحية"3 ايام فى الساحل" على الإذاعية فاطمة مصطفى فى برنامج "الراديو بيضحك" على الراديو 9090 العمل على خشبة المسرح يختلف عن السينما تمام، المسرح ده عيلة، لأن نجوم المسرح بيقعدوا مع بعض أكثر ما بيقعدوا مع أهلهم".

وتابع "هنيدى" فيه حالة حب بين كل اللى شغالين فى المسرحية وبقينا عيلة واحدة، وكلهم عايزين يرجعوا المسرح، ويا رب تكون المسرحية سبب أن المسرح يرجع تانى فى مصر".كما أن الرواية مضمونها جميل، وفيها جرعة كوميدية كبيرة جدا لأن موجود معايا فى المسرحية مجموعة من الكوميديانات الشطار جدا، ومصرين نقدم حاجة مختلفة للناس، والجمهور هايشوف حاجة ماتعملتش قبل كده".

كما أكد أن أسعار التذاكر معقولة وأهم حاجة الناس تكون مبسوطة، وإحنا أهم حاجة الناس تيجى وتتبسط".