بالفيديو.. "امل منصور" واخطر مقدمة عن قهر البنات بكلمة العنوسة والزواج المبكر ببرنامج ساعة أمل

قالت الاعلامية د. أمل منصور خبيرة التنمية البشرية والعلاقات الاسرية فى مقدمة حلقة اليوم من برنامج ساعة أمل علي شاشة الحدث اليوم ، انها تتوجه بنهنئة رجال الشرطة بمناسبة الاحتفال بعيد الشرطة .. واللي بيرمز بصدق لاسمي معاني التفاني في اداء الواجب الوطني في نزاهة وشرف والحفاظ علي الوطن ....حفظ الله رجال مصر الشرفاء ...

وتساءلت منصور هل في حاجة اسمها عنوسة او سن معين للجواز . للاسف المجتمع الشرقي ربي البنت علي ان ملهاش غير بيتها وزوجها .. واول ما البنت تبدأ تكبر بيفضل السؤال الملح دايما .. هاا هنفرح بيكي امته واللي رسخ في ذهن كتير من البنات ان الفرحة هي الجواز مش حاجة تانية ..وكتير من البنات بيتجوزوا لمجرد ارضاء الاهل والمجتمع....وخوفها من لقب عانس . .واللي كمان خلي كتير من البنات تقدم تنازلات لمجرد خوفها من نظرة المجتمع وده كان من الاسباب الرئيسة لفشل كتير من الزيجات .

وتابعت منصور ونسينا ان البنت لازم يكون ليها كيان ولازم تتعلم وتبني مستقبلها وتنضج فكريا عشان تقدر تختار صح واما يكون عندها ابناء تقدر تربيهم تربية سليمة وسوية ، ولكن علي النقيد في بنات اختارت انها تعيش حياتها بالشكل اللي يريحها بدون الخوف من نظرة المجتمع. ورفضوا ان كيانهم يختصر في راجل وقرروا ينجحوا في حياتهم قبل ما يفكروا في خطوة الزواج .

وعرضت منصور اراء لنماذج مختلفة تكلموا عن تجاربهم ورأيهم في حجر المجتمع علي البنت .