عاجل
الجمعة 24 مايو 2024
رئيس مجلس الادارة
رجب رزق
رئيس التحرير
سامي خليفة
الرئيسية القائمة البحث

الرئيس السيسى: مشروع مستقبل مصر بحجم 4 محافظات كبار وتنفيذه فى وقت قصير

ارشيفية
ارشيفية

تحدث الرئيس عبد الفتاح السيسي عن المشروعات الكبرى التي تنفذها الدولة في إطار مشروع مستقبل مصر للتنمية المستدامة، قائلآ: "لما بنعمل المشروع لازم نستهدف نحقق كل النتائج.. لما بقول ازرع 2 مليون فدان يبقي استهدف 2 مليون فدان".


وأضاف الرئيس السيسي، خلال افتتاح المرحلة الأولي من افتتاح المنطقة الصناعية في مشروع مستقبل مصر وبدء موسم الحصاد: "ده نقاش اتحدي بيه أي حد.. الهدف ليس القدرة المالية ولكن القدرة على التنفيذ بشكل كامل.. بعمل طريق 10 حارات طوله 250 كليو لتحقيق الخدمة لكل الأراضي الزراعية الموجودة على الطريق.. ده مشروع قد 3 – 4 محافظات كبار اتعملوا قبل كده في 200 سنة انا بعمله في 4 سنوات.. سواء كهرباء وبنية تحتية.

وتابع الرئيس السيسي: "الفدان في المشروع ده اتكلف 350 – 400 ألف جنيه بنية أساسية مش تستكر المبلغ عليا.. اللى علمته لابد اعمله.. انا مش بزرع على مياه أمطار.. ودي مياه يتم نقلها لمسافة كبيرة وأنا طلبت فيلم عن ماخذ رشيد ومحطة الحمام.. وكيفية الوصول المياه علشان يعمل الإنتاج".

قال الرئيس عبدالفتاح السيسى، إن الدولار كان وما زال يمثل تحديا، معلقا بالقول: "كان عندنا تحدى الدولار ومال زال.. قلتلهم لازم تعملوا اذا كنتم عاوزين تتجاوزوا مشكلة الدولار فى مصر لازم تخلوا المنتج المحلى ضخم جدا، علشان يغطى المطلب بتاع البلد، ولو فيه فرصة تصدر بره تصدر أى إنتاج زراعى وصناعي".


عن إنشاء الصوامع، أضاف الرئيس السيسى خلال افتتاح المرحلة الأولى من موسم الحصاد بمشروع مستقبل للتنمية المستدامة: "قلتلهم مقدرش اعمل صوامع الا بالجنيه المصرى لو فيه شركة تزود المكون المحلى وتقدر تخلى الصوامع بالجنيه انا مستعد اتعاقد.. قالوا ايوه..اتكلمنا فى 500 الف طن خدوهم بالمصرى وعملوا مكون محلى زودوه علشان ما يبجيبوش حاجة من بره يبقى كده أنا استفدت لما ادخل الخدمة نص مليون طن خلال سنة وشهرين ده مش قليل، ولو انا محتاج اكتر مستعد اعمل تانى علشان يبقا كل إنتاجنا من المحاصيل المختلفة الذرة والقمح والأرز يبقا ليه مناطق تخزين محترمة".