«اللايف الخداع».. رسالة دعم من ريهام سعيد لوفاء عامر وبدرية طلبة

عادت الإعلامية ريهام سعيد، لإثارة الجدل من جديد بعد تصريحاتها الأخيرة عن قضية الفنانة بدرية طلبة والفنانة وفاء عامر بعد أزمة تجارة الأعضاء، بالإضافة إلى حديثها عن أزمة التيك توكرز الأخيرة.

ريهام سعيد تتحدث عن أزمة وفاء عامر وبدرية طلبة

وخرجت ريهام سعيد، في لايف جديد عبر صفحتها على موقع التواصل الاجتماعي «فيسبوك»، وعلقت على أزمة التيك توكرز، مشيرة إلى أنها لم تتناول هذه الموضوعات احترامًا لمبادئها المهنية، وعدم امتلاكها لأي مستندات رسمية أو أدلة قانونية.

وقالت ريهام سعيد، خلال اللايف: «ناس كتير بتسألني ليه مافتحش موضوع التيك توكرز؟ أنا عندي مبادئ مهنية لا يمكن أخرج عنها فكرة إني أتكلم عنهم من غير أدلة قانونية مكنتش واردة بالنسبالي»، مؤكدة أنها تفاجأت بصدور حكم قضائي على إحدى صانعات المحتوى، وهي مروة، بالسجن لمدة عامين بتهمة سب وقذف الفنانة وفاء عامر، دون تقديم أي مستندات أو أدلة موثّقة أمام المحكمة.

وتابعت: «بصراحة أنا حزينة جدًا بقى الفيسبوك والتيك توك مصدر رزق مبني على سمعة الناس؟ يعني ممكن أي حد يقول فنانة كذا بتتاجر في المخدرات، أو شخصية عامة بتتعاطى كوكايين، أو ممثل مشهور بيتاجر في الأعضاء البشرية وفجأة يبقوا ترند، الاتهام مش بالكلام لازم حكم محكمة».

وأشارت ريهام سعيد، في حديثها عن الاتهامات التي واجهت الفنانة وفاء عامر، خلال الفترة الأخيرة عن أزمة تجارة الأعضاء، قالت: «وفاء عامر لو اتوجه لها اتهام هتتحاسب زيها زي أي حد، إحنا بلد بتحاسب الكل، زي بدرية طلبة، أنا مكنتش عايزة أتكلم في موضوعها بس لازم أقول بدرية غلطت في أسلوبها، لأنها اتكلمت بطريقة لا تليق بفنانة» وذلك على حد تعبيرها في اللايف.

وعلقت على موقف النقابة تجاه بدرية طلبة: «أنا مليش دعوة بالنقابة هي اتصرفت معاها إزاي، لكن عايزة أوضح إنها لما كانت في لايف، حد قالها: (إنتي موتي جوزك وتاجرتي في أعضاؤه)، فهي خرجت عن شعورها وقالت كلام مينفعش، بس كلامها مكنش موجه للمصريين، كانت بترد على اللي شتمها».

وتحدثت ريهام سعيد عن الانتقادات التي لاقتها بأنها سبق واستضافت بعض التيك توكرز في برنامجها، أوضحت: "أنا استضفت (أم مكة) لأنها كانت سيدة بسيطة بتبيع فسيخ، وده كان من 7 شهور، وقتها ماكنش عندي تيك توك أصلاً واستضفت (سوزي) لأنها بتحاول تصلح من نفسها.. والتريند مش دايم لكن ضميرك هو اللي هيحاسبك".

وفي ختام حديثها، وجهت ريهام رسالة حادة لصنّاع المحتوى الذين استغلوا قصة "مروة" لتحقيق أرباح من فيديوهاتهم: "كلكم عملتوا مشاهدات وفلوس على كلام غير حقيقي، بس هتقولوا إيه لربنا؟ بنت اتكلمت عن راجل متوفي له تاريخ مُشرف، وبتقول إنه حصل في أوائل التسعينات، وهي سنها مش منطقي مع الكلام ده، ليه نكذب الكذبة ونصدقها؟».