بالصور.. عمرو الليثى يِشيد برجل مسن ينظف ميادين الاسكندرية بدون مقابل بواحد من الناس

أشاد الاعلامى د. عمرو الليثى فى مقدمة برنامج واحد برجل مسن اسمه عم كمال مرجان اللى عايش فى اسكندرية وتخطى عمرة الستين

وقرر ان يُعبر عن حبة للوطن عبر موقع الفيس بوك وكتب اشعار وعبارات يحث فيها اصحابة على حب بلدهم واكد ان الحب دة افعال مش اقوال

وفعلا كان عم كمال بينزل من بيتة فى منطقة محرم بك الساعة 2 الظهر كل يوم حاملا ادوات ومعدات التنظيف من مكنسة واكياس بلاستيك وكان بيلبس تيشرت اصفر كتب علية ( فى خدمة ونظافة بلدى بدون مقابل)

وكان بيشيل الاتربة والقمامة من امام المحلات التجارية وقرر ينظف الميادين ورغم ان فية ناس كتير طالبت بانة ياخد اجر الا انة رفض وقال : البلد دى خيرها علينا كتير ولازم نخدمها ببلاش عم كمال عندة ولد وبنت متجوزة وظروفة الاقتصادية صعبة لكن دة ماخلهوش يبخل بالعطاء المجانى لمدينتة الاسكندرية

وفى الختام وجه الليثى تحية الف شكر ومليون تعظيم سلام لعم كمال اللى ضرب مثال واضح وجميل لحب الوطن وزى ما قال بالافعال مش بالكلام