ورا مصنع الكراسي.. الحلقة الخامسة "سيدة المشرحة"

ورا مصنع الكراسي .. جملة هانقف عندها كتير 
كل واحد فينا هايخده خياله لبعيد، بس ياترى هيوصله لحد فين .. مش عارفين .. لكن الأكيد أن ورا مصنع الكراسي مليان حواديت وقصص كتير مختلفة .. ياترى كام واحد فينا عنده الشجاعة يروح ورا مصنع كراسي .. ويا ترى هيلاقي ايه وهيرجع من هناك زي ماهو ولا حد تاني .
طيب ماتيجوا نروح ونشوف مستنينا ايه ....ورا مصنع الكراسي ..... 

الحلقة الخامسة: سيدة المشرحة 

اماني عزيز صحفية في أخبار الحوادث علاقتها بالموت قوية جدا لانه شغلها ...مش بس كده دي بتسمعهم وبتعرف الحقيقة منهم وكمان بتوصل رسايلهم

ياترى كام واحد فينا دلوقتي بيقول سلاما قولا من رب رحيم .. أماني بقى كبرت وتربت وسطهم ابوها حانوتي وهي كانت تساعده بجانب عملها.... مستغربين !!!!

سارينة الإسعاف البطل الأساسي لمشرحة زينهم كل يوم أجسام  باردة كل واحد ليه حدوتة استخبت معاه !!!!! ايوه استخبت وانتهت بغيابه.... لكن في منهم رافض يمشي من غير ما يقول حكايته أو يجيب حقه .....

وأماني كانت صوتهم  ؟؟؟؟؟ كام قضية كانت هاتتقيد ضد مجهول وأماني تبقي مفتاح حلها ....
أنا اللي هاتروحي تقابليها الصبح في المشرحة !!!!

ايوه أنا اللي هاتيجي بكره ملفوفة في بطانية وكتبوا عليها قضية شرف بس الحقيقة إنها قضية طمع ... أعمامي قرروا يموتوني لما رفضت اتجوز واحد من ولادهم علشان يحطوا إيدهم على ورثي  وقالوا إني هربت ؟؟؟؟

أنا موجودة في بير الساقية اللي ورا بيتنا اللي في عزبة النخل، قومي يا اماني إلحقيني قبل مايرموني عند النيل في البساتين... بصي بين ضوافري هتلاقي لحم واحد منهم جوه ضوافري ... قومي قومي ... لازم تروحي قبل الساعة خمسة... قومي ... ياترى أماني لحقتها!!!!  ياترى مريت بتجربة زي دي !!!! طب ياترى إنت كمان بتسمع الموتى !!!! طب لحقتهم ؟؟؟ ولما حكيت للي حواليك صدقوك ولا قالوا عليك مجنون أو يمكن ملبوس !!!! طيب هاتكمل ولا هاتسكت !!!! طب وإشمعنى إنت اللي إختاروك ؟؟؟؟؟ هو من إمتى كل حاجة بتحصل بتتفهم أو حتى بتتفسر !!! طب هو من إمتى ورا مصنع الكراسي ليه منطق أو عقل ... سيدة المشرحة !!!