بعد تعادل المنتخب.. عمرو أديب: يا كابتن حسام انت لاعارف تعمل شكل ولا خطة
هاجم الإعلامي عمرو أديب، المدير الفني لمنتخب مصر حسام حسن، بعد التعادل أمام غينيا بيساو بهدف لكلا منهما، في إطار التصفيات المؤهلة لكأس العالم 2026.
عمرو أديب هل ده مستوى فريق جيد
وقال عمرو أديب خلال برنامج "الحكاية" المذاع على قناة "إم بي سي مصر": "اللي يقولك احنا رجعنالك بنقطة من غينيا بيساو هو عنده حق رجعنا فعلا بنقطة ومنقوطين من منتخب مصر، غينيا بيساو فرقة ملهاش لا في التور ولا الطحين ولا هي عايزة تلعب ولا تبقى جزء من المعادلة وفجأة تدخل معاك المعادلة ويبقى ليها مكان وتأثير وبعدين ندخل في حسبة برمة".
وتابع: "اللاعيبة تعبانة جدا ومرهقة جدا والتغيرات مضطربة جدا، مفيش ماتش واحد إلا ويقال إن اللاعيبة مرهقة ومش قادرة معقولة يا جماعة هو هيجي ايه اسهل من كده ده احنا في أوكازيون لولا اللي ربنا يبارك فيه محمد صلاح فينجيك ويحييك ويخليك راجع شبه سعيد، هذا المنتخب لا شكل له لا خطة له ولا تقدير له، ناصر ماهر لو نزل عشر دقايق بدري كانت الدنيا اتغيرت".
ولفت:"محمد صلاح هو صلاح الدين ينتصر علطول ويجيب الجون ويخلص لك علطول، لولاه اللي كنتوا قالبين عليه الدنيا كنت خسرت الماتش".
وواصل: "مدرب المنتخب بتاعنا لازم يعرف لاعيبته ومين بيلعب فين، هو فين الخطة اللي عنده، بس أعتقد إن لا فيه خطة ولا طريقة، اللاعيبة اللي بتطلع اللي عندها زي محمد صلاح وتريزيجيه وزيزو، اللاعيبة هي اللي بتلعب يا جماعة، احنا مش شايفين ملامح للمنتخب ولا شغل للمدرب".
واستطرد: "هل ده مستوى فريق جيد؟ انت في مجموعة الله يسهلك ودعوة الأمهات إنك تيجي في مجموعة سهلة إنما غير كده انت لم تفعل شئ ونحن مستمرين في الأمر بكفاءة صلاح وتريزيجيه، إنما كفرقة أو كيان لأ معندناش، وبالشكل ده مش هيبقى عندنا منتخب لا شكل ولا أداء".
وأردف: "لو مكنش المدرب يعرفه يعني ايه طعم الفوز هنفوز ازاي، ده بينزل لاعيبة تعطل الكرة تحت رجليها، انت متعرفش لاعيبتك يا كابتن حسام حسن ولا تعرف توظفهم ولا عارف تعمل شكل ولا خطة ولا طريقة، انت عايز توقف الدوري ولا تغليه علشان غينيا بيساو ولا إثيوبيا".
وأختتم: "مش عايزين مصنع الشماعات إياها صلاح رفض يطلع أو يتغير محصلش، إمام عاشور عنده مشكلة مع الجهاز الفني محصلش.. مفيش لاعب منور تحت قيادة المدرب، ومش شايفين أي شغل أو بصمة له، كان في ايدينا الموضوع يخلص قدام إثيوبيا وربنا يستر في اللي جاي".
ويقدم موقع "نيوز 24" متابعة وتغطية مستمرة أخبار رئاسة الجمهورية، أخبار وزارة الدفاع، أخبار مجلس الوزراء ، أخبار الحكومة ، أخبار التربية والتعليم ، أخبار التعليم العالي والبحث العلمي والجامعات، أخبار السياحة والآثار ، أخبار التضامن الاجتماعي والمعاشات ، أخبار المالية ورواتب الموظفين ، أخبار النقل ومواعيد القطارات، أخبار وزارة التموين والدعم، أخبار وزارة الإسكان وآخر مستجدات وحدات الإسكان الاجتماعي والمتوسط والمتميز، أخبار وزارة الصحة، أخبار وزارة الأوقاف، أخبار مجلس النواب، أخبار مجلس الشيوخ، أخبار الأحزاب المصرية، أخبار المحاكم المصرية، أخبار الفن، أخبار النجوم، أخبار المحافظات، أخبار الدول العربية والأجنبية ، أحداث السودان ، أحداث اليمن ، أحداث تركيا ، أحداث سوريا ، أخبار السعودية ، أخبار الإمارات العربية المتحدة ، أخبار الأهلي ، أخبار الزمالك، أخبار دوري أبطال أفريقيا ، أخبار دوري أبطال أوروبا، أخبار دوري أبطال آسيا، أخبار الدوري المصري ، أخبار الدوري السعودي ، أخبار الدوري الإنجليزي، أخبار الدوري الاسباني.
كما يقدم موقع "نيوز 24" عدد من الخدمات على رأسها أسعار الدولار و الذهب، أسعار الدواجن ، أسعار الحديد، أسعار الأسمنت، أسعار البنزين، أسعار السلع التموينية، أسعار السيارات، أسعار الفائدة، أسعار تذاكر الطيران ، أسعار تذاكر مترو الأنفاق ، أسعار تذاكر النقل العام.
