عاجل إلى رئيس الوزراء ووزير العدل تعليم أولادي .. مش رفاهية

مقدمة لسيادتكم أم مصرية / سالى موسى عبد المنعم موسى

أكتر من سنة في المحاكم فى إنتظار  الفصل في القضايا ، وحصلت علي قرض لمدة 5 سنين علشان أدفع مصاريف ترم واحد لبنتي .. بس لحد إمتى .. أين حق أولادى في المعيشة التعليم ؟؟

أنا أم مصرية لبنتين ، مطلقة وبشتغل وبصرف على بناتي ، وبحاول أوفر لهما حياة كريمة وتعليم مستقر ، لم أطلب بيتا ولا مصاريف للرفاهية .
أنا بتحمل السكن والأكل والشرب وكل احتياجاتهم على قد ما أقدر لكن لما وصلنا لمصاريف المدارس ، وصلت لطريق مسدود !!!
والد بناتي هو اللي أدخلهم التعليم الخاص والدولي من سنين ، والمدارس تقدر تؤكد إن تسجيلهم كان باختياره وإن المصروفات كانت تسدد من خلاله لكن بعد الإنفصال ، وجدت نفسي مضطرة آخد قرض بنكي علشان أدفع القسط الثاني ، وهفضل أسدده لمدة خمس سنوات مقابل ترم دراسي واحد !!!!

أنا بشتغل علشان أعيش بناتي ، وبستدين علشان أعلمهم ، وبحاول أتابع قضايا النفقة والمصروفات الدراسية من أكتر من سنة ، وحتى الآن لم يصدر حكم فيها .
وفيه استئناف قائم ، لكن الإجراءات والسفر بين القاهرة والغردقة زادت من معاناتي ، لدرجة أننى لم أعد قادرة أستمر في تحمل أتعاب المحامين والتنقلات .
واليوم ومع بداية سنة دراسية جديدة ، أصبحت أواجه مشكلة تسجيل بنتي بسبب المصروفات ، وفي نفس الوقت وصلني إنذار يطالبني بنقلهما من مدرستهما إلى مدارس تجريبية .

وهنا أسأل سؤالاً واحداً .. هل المطلوب من أم مصرية إنها تختار بين إنها تشتغل علشان تأكل بناتها ، وبين إنها تترك الشغل علشان تتابع تعليمهم ؟؟
وهل لازم تستدين كل سنة علشان تعوض غياب النفقة ، منتظرة حسم القضايا ؟؟؟؟؟

معالى رئيس الوزراء ، معالى وزير العدل .. أنا مش بطلب امتيازات ، ولا بطلب إن حد يتجاوز القانون ،لكن فقط أنا بطلب سرعة الفصل في قضايا النفقة والمصروفات الدراسية ، وحسم الإجراءات القضائية ، ومراجعة القدرة المالية الحقيقية للأب ، وحماية حق بناتي في التعليم والاستقرار !!!!
فتعليم بناتي مش رفاهية ، ومسؤولية الأطفال مش المفروض تتحول إلى ديون على طرف واحد !!!! وبناتي مش المفروض يدفعوا ثمن الخلاف بين أبوهم وأمهم من مستقبلهم !!!!!
حقي وحق بناتي في يد معالى الدكتور رئيس الوزراء ، ومعالي المستشار وزير العدل فى سرعة  الفصل فى القضايا ، للحفاظ على مستقبل بناتي في التعليم واستقرار حياتهما .

عنوان السكن : 
10 شارع  الشيخ أحمد الصاوي - مدينة نصر أول - القاهرة 
عنوان العمل : 
سوما باي ـ بلانكا 12 - البحر الأحمر